ਸਿਟੀਜ਼ਨ ਅਵੇਅਰਨੈਸ ਗਰੁੱਪ ਦੇ ਚੇਅਰਮੈਨ ਸੁਰਿੰਦਰ ਵਰਮਾ ਦਾ ਸਨਮਾਨ ਕੀਤਾ ਗਿਆ
ਚੰਡੀਗੜ੍ਹ, 18 ਅਗਸਤ, 2024: ਸਿਟੀਜ਼ਨ ਅਵੇਅਰਨੈਸ ਗਰੁੱਪ ਦੇ ਚੇਅਰਮੈਨ ਸੁਰਿੰਦਰ ਵਰਮਾ ਨੂੰ ਸ਼ਹਿਰ ਵਿੱਚ ਦੋ ਵੱਖ-ਵੱਖ ਪ੍ਰੋਗਰਾਮਾਂ ਵਿੱਚ ਨਿਵੇਸ਼ਕ ਜਾਗਰੂਕਤਾ ਅਤੇ ਸੇਬੀ ਦੀ ਭੂਮਿਕਾ ਅਤੇ ਸੰਪਤੀ ਸਿਰਜਣ ਲਈ ਵਿੱਤੀ ਯੋਜਨਾ ਬਾਰੇ ਲੈਕਚਰ ਦੇਣ ਲਈ ਸਨਮਾਨਿਤ ਕੀਤਾ ਗਿਆ। ਇਹ ਸਨਮਾਨ ਉਨ੍ਹਾਂ ਨੂੰ ਚੰਡੀਗੜ੍ਹ ਦੇ ਇੱਕ ਨਿੱਜੀ ਹੋਟਲ ਵਿੱਚ ਭੇਂਟ ਕੀਤਾ ਗਿਆ।
ਸੁਰਿੰਦਰ ਵਰਮਾ ਨੂੰ ਇਹ ਸਨਮਾਨ ਇੰਸਟੀਚਿਊਟ ਆਫ ਕਾਸਟ ਅਕਾਊਂਟੈਂਟਸ ਆਫ ਇੰਡੀਆ ਦੇ ਚੰਡੀਗੜ੍ਹ, ਪੰਚਕੂਲਾ ਅਤੇ ਮੋਹਾਲੀ ਚੈਪਟਰ ਦੇ ਚੇਅਰਮੈਨ ਸੰਜੇ ਸਿੰਘ ਅਤੇ ਨਰਸੀ ਮੋਨਜੀ ਇੰਸਟੀਚਿਊਟ ਆਫ ਮੈਨੇਜਮੈਂਟ ਦੇ ਸਕੂਲ ਆਫ ਕਾਮਰਸ ਦੇ ਅਸਿਸਟੈਂਟ ਪ੍ਰੋਫੈਸਰ ਕੁਨਾਲ ਪਾਸਰੀ ਨੇ ਦਿੱਤਾ।
ਇਸ ਮੌਕੇ ਸੁਰਿੰਦਰ ਵਰਮਾ ਨੇ ਕਿਹਾ ਕਿ ਸਿਟੀਜ਼ਨ ਅਵੇਅਰਨੈਸ ਗਰੁੱਪ ਦਾ ਕੰਮ ਲੋਕਾਂ ਵਿੱਚ ਨਿਵੇਸ਼ ਪ੍ਰਤੀ ਜਾਗਰੂਕਤਾ ਫੈਲਾਉਣਾ ਹੈ। ਉਹ ਇਹ ਸਨਮਾਨ ਪ੍ਰਾਪਤ ਕਰਕੇ ਮਾਣ ਮਹਿਸੂਸ ਕਰ ਰਹੇ ਹਨ ਅਤੇ ਇਹ ਗਰੁੱਪ ਭਵਿੱਖ ਵਿੱਚ ਵੀ ਨਿਵੇਸ਼ਕਾਂ ਦਾ ਮਾਰਗਦਰਸ਼ਨ ਕਰਦਾ ਰਹੇਗਾ। ਇਹ ਦੱਸਣਾ ਜਰੂਰੀ ਹੈ ਕਿ ਸੁਰਿੰਦਰ ਵਰਮਾ ਨੂੰ ਕਈ ਵੱਕਾਰੀ ਮੰਚਾਂ ਤੋਂ ਸਨਮਾਨ ਮਿਲ ਚੁੱਕੇ ਹਨ।
