ਕਲੱਬਾਂ ਵੱਲੋਂ ਕੰਬਲ ਜਾਂ ਉਨੀਂ ਕਪੱਡੇ ਵੰਡਣ ਦੀ ਬੇਨਤੀ ਕੀਤੀ ਗਈ ਸੀ।

ਲਾਇਨਜ਼ ਕਲੱਬ ਮੋਹਾਲੀ ਐਸ.ਏ.ਐਸ. ਨਗਰ ਵੱਲੋਂ ਚਾਰੇ ਸਾਹਿਬਜ਼ਾਦਿਆਂ ਅਤੇ ਮਾਤਾ ਗੁਜ਼ਰ ਕੌਰ ਜੀ ਦੀ ਲਾਸਾਨੀ ਸ਼ਹਾਦਤ ਦੇ ਦਿਨਾਂ ਅਤੇ ਸ਼ੀਤ ਰੂਤ ਨੂੰ ਮੁੱਖ ਰੱਖਦਿਆਂ ਲਾਇਨਜ਼ ਕਲੱਬਜ਼ ਦੇ ਡਿਸਟ੍ਰੀਕ ਗਵਰਨਰ ਐਮ.ਜੇ.ਐਫ. ਲਾਇਨ ਲਲਿਤ ਬਹਿਲ ਜੀ ਵੱਲੋਂ ਲੋੜਵੰਦ ਲੋਕਾਂ ਲਈ ਸਾਰੇ ਡਿਸਟ੍ਰੀਕ ਦੇ ਕਲੱਬਾਂ ਵੱਲੋਂ ਕੰਬਲ ਜਾਂ ਉਨੀਂ ਕਪੱਡੇ ਵੰਡਣ ਦੀ ਬੇਨਤੀ ਕੀਤੀ ਗਈ ਸੀ। ਇਸ ਸੇਵਾ ਨਾਲ ਸ਼ਹੀਦਾਂ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ ਜਾ ਸਕਣਗੇ ਅਤੇ ਲੋੜਵੰਦਾਂ ਦਾ ਤਨ ਵੀ ਢਕਿਆ ਜਾ ਸਕੇਗਾ।
ਕਲੱਬ ਦੇ ਪ੍ਰਧਾਨ ਲਾਇਨ ਅਮਨਦੀਪ ਸਿੰਘ ਗੁਲਾਟੀ ਦਾ ਮੰਨਣਾ ਹੈ ਕਿ ਗੁਰੂ ਦੇ ਲੰਗਰਾਂ ਦਾ ਆਯੋਜਨ ਤਾਂ ਹਰੇਕ ਜਗਾ ਹੀ ਕੀਤਾ ਜਾਂਦਾ ਹੈ, ਪਰ ਇਹ ਨਿਵੇਕਲਾ ਉਪਰਾਲਾ ਵੀ ਕਰਨਾ ਵੀ ਜ਼ਰੂਰੀ ਹੈ, ਜਿਸ ਨਾਲ ਕਿਸੇ ਜਰੂਰਤਮੰਦ ਦੀ ਮਦਦ ਵੀ ਹੋ ਸਕੇ।
ਇਸ ਬੇਨਤੀ ਨੂੰ ਪ੍ਰਵਾਨ ਕਰਦੇ ਹੋਏ ਲਾਇਨਜ਼ ਕਲੱਬ ਮੋਹਾਲੀ ਐਸ ਏ ਐਸ ਨਗਰ ਅਤੇ ਲਾਇਨਜ਼ ਕਲੱਬ ਮੋਹਾਲੀ ਸੁਪਰੀਮ ਵੱਲੋਂ ਰੱਲ ਕੇ ਮਨੁਖਤਾ ਦੀ ਸੇਵਾ ਕਰਦਿਆਂ ਖਰੜ ਅਤੇ ਮੋਹਾਲੀ ਵਿਖੇ ਲੋੜਵੰਦਾਂ ਨੂੰ ਤਕਰੀਬਨ 200 ਦੇ ਕਰੀਬ ਕੰਬਲ ਵੰਡੇ ਗਏ।
ਇਸ ਸੇਵਾ ਨੂੰ ਨੇਪਰੇ ਚਾੜ੍ਹਨ ਲਈ ਦੋਵੇਂ ਕਲੱਬਾਂ ਦੇ ਮੈਂਬਰਾਂ ਵੱਲੋਂ ਦੀਤੇ ਗਏ ਸਹਿਯੋਗ ਦੀ ਮੋਹਾਲੀ ਸੁਪਰੀਮ ਦੇ ਪ੍ਰਧਾਨ ਲਾਇਨ ਤਿਲਕ ਰਾਜ ਵੱਲੋਂ ਸ਼ਲਾਘਾ ਕੀਤੀ ਗਈ ਅਤੇ ਦਿਲੋਂ ਧੰਨਵਾਦ ਕੀਤਾ ਗਿਆ।
ਇਸ ਉਪਰੰਤ ਲਾਇਨਜ਼ ਕਲੱਬ ਮੋਹਾਲੀ ਐਸ.ਏ.ਐਸ. ਨਗਰ ਵੱਲੋਂ ਚਾਰੇ ਸਾਹਿਬਜ਼ਾਦਿਆਂ ਅਤੇ ਮਾਤਾ ਗੁਜ਼ਰ ਕੌਰ ਜੀ ਦੀ ਲਾਸਾਨੀ ਸ਼ਹਾਦਤ ਨੂੰ ਮੁੱਖ ਰੱਖਦਿਆਂ ਸ਼ਹਿਰ ਦੇ ਵੱਖ ਵੱਖ ਚੌਂਕਾਂ ਫੇਜ਼ 1, ਫੇਜ਼ 3-5, ਫੇਜ਼ 3-7, ਫੇਜ਼ 9 ਅਤੇ ਫੇਜ਼ 11 ਦੇ ਲਾਈਟਾਂ ਵਾਲੇ ਚੋਂਕਾਂ ਉੱਤੇ🙏 ਪ੍ਰਣਾਮ ਸ਼ਹੀਦਾਂ ਨੂੰ 🙏 ਦੇ ਹੋਲਡਿੰਗ ਲਗਵਾ ਕੇ ਮਾਤਾ ਜੀ ਅਤੇ ਸਾਹਿਬਜ਼ਾਦਿਆਂ ਨੂੰ ਸ਼ਰਧਾ ਦੇ ਫੂਲ ਭੇਂਟ ਕੀਤੇ।ਜਿਸ ਦੀ ਸੇਵਾ ਸਾਡੇ ਕਲੱਬ ਦੇ ਚਾਰਟਰ ਪ੍ਰਧਾਨ ਲਾਇਨ ਅਮਰੀਕ ਸਿੰਘ ਮੋਹਾਲੀ ਜੀ ਵੱਲੋਂ ਕੀਤੀ ਗਈ।
ਅੰਤ ਵਿੱਚ ਕਲੱਬ ਦੇ ਪ੍ਰਬੰਧਕ ਲਾਇਨ ਹਰਿੰਦਰ ਪਾਲ ਸਿੰਘ ਹੈਰੀ ਨੇ ਉੱਥੇ ਮੌਜੂਦ ਦੋਨੋਂ ਕਲੱਬਾਂ ਦੇ ਮੈਂਬਰਾਂ ਦਾ ਸਹਿਯੋਗ ਦੇਣ ਤੇ ਧੰਨਵਾਦ ਕੀਤਾ ।